"في مستوى الطالب المتوسط": ٧ روايات إنجليزي تقراهم بسهولة
الإنجليزي ضرورة في أي حاجة دلوقتي، الكلية والمذاكرة، الشغل وحتى الإنترنت، أي حاجة هتفكر تعملها هتلاقي نفسك محتاج حد أدنى من الإنجليزي، ولأن الطرق التقليدية زي الكورسات والدروس الأونلاين بتبقى مملة مع الوقت، فالروايات بتعتبر من أفضل الطرق اللي ممكن تتعلم بيها إنجليزي "على أبوه"، لأنك ببساطة بتقرأ كلام مكتوب من أهله وسط أحداث ممتعة ومتنوعة بشكل كبير، فالموضوع بيكون مسلي وبعيد عن الملل بشكل كبير. في الليسته دى هقولك على 7 روايات إنجليزي لغتهم سهلة وبسيطة تتعلم منهم وتستمتع بيهم في نفس الوقت.
أسلوب سلسلة الروايات دي مناسب جدا لمستوى المبتدئين والمتوسطين في الإنجليزي، يعني لو كنت لسه في البداية هتلاقي فى السلسلة دي أسلوب سهل تقرأه وجمل مختصرة، وسط كمية كبيرة جدا من التعبيرات اللي تعتبر مثالية ليك في مستوى المبتدئين. الروايات بتحكي عن مجموعة من الأطفال مع كلبهم بيدخلوا في مغامرات مختلفة لما بيروحوا يعيشوا مع عمهم في الريف الإنجليزي. سلسلة الروايات دي بتضم 21 كتاب، كل كتاب فيهم بأحداث ومكان مختلف، وبتعتبر من كلاسيكيات أدب المغامرات.
الرواية دي اختيار كويس لو كنت عايز تجرب حاجة خفيفة من الأدب الإنجليزي الكلاسيكي، كتاب مش صعب تقراه ولغته سهله وهتلاقي الأحداث وصفها مثير للاهتمام من غير صعوبة، وكمان غنية بالمفردات والكلمات المهمة والسهلة.
أحداث الرواية عن مجموعة من الأولاد اتحطمت الطيارة اللي كانوا ركبينها على جزيرة، وكل البالغين اللي كانوا عليها ماتوا، ومع عدم وجود أي قواعد أو حدود لتصرفات الأولاد دول، بيبدأوا يتوحشوا ويبقوا عنيفين جدا، ويتقاتلوا على السلطة بينهم ويتصارعوا على مين اللي هيحكم.
هتستمتع أثناء القراءة لأن اللغة مش صعبة وهتتعلم كلمات كتير جديدة، وكمان سياق الأحداث وحبكة الرواية مظبوطة، وده هيساعدك تفضل تقراها من غير ما تسيبها من إيدك، ممكن يبقى عندك فكرة عن الأحداث لو كنت شفت فيلم jim carry المشهور اللي بنفس الاسم، بس عموما حتى لو شفت الفيلم القراءه هيبقى ليها طعم تاني.
الكتاب باين من عنوانه، سلسلة من الأحداث المؤسفة اللي بتحصل لتلاتة أخوات يتامي هما فيوليت صاحبة الـ 14 سنة وكلاوس 12 سنة وأختهم الرضيعة "صني"، واللي بيضطروا يواجهوا "الكونت أولاف" اللي بيتنكر في شخصيات كتيرة ومختلفة عشان يتخلص منهم ويسيطر على الورث بتاعهم.
الكاتبة المشهورة معروفة بلغتها السلسلة وروايتها الخفيفة لكن ممتعة، حاجة كده تقراها وأنت في المواصلات أو وأنت بتاخد بريك في جامعتك أو في الشغل، هتلاقي الجمل قصيرة والتشبيهات بسيطة ولكن ممكن تكون قليلة شوية، لكن الأكيد إنك لو كنت في مستوى مبتدأ أو في المستوى المتوسط، مش هتلاقي أي صعوبة في إنك تفهم – تقريبا- كل كلمة بتقراها.
بتتكلم سلسلة الروايات دي واللي بتتكون من 8 إصدارات عن "ريبيكا بلوم"، مدمنة التسوق وازاي إدمانها ده بيحطها في مواقف محرجة وتحديات مختلفة في حياتها الاجتماعية كل يوم. اتعمل منها فيلم وكمان سلسلة من الـ video games.
إرنست همنجواي مشهور بإن أسلوبه واضح ومباشر من غير تشبيهات معقدة ولا مصطلحات تقيلة، وكمان معروف باستخدامه الجمل القصيرة والواضحة، وده بالنسبة لأي حد بيحاول يتعلم إنجليزي كنز، لأن "همنجواي" كان دايما بيعتقد إن الروائيين لازم يكتبوا كصحفيين عشان خيالهم يوصل لكل الناس ويتفهم بسهلة، وإن الكلمات المعقدة مش ضرورية أبدًا ومابتثبتش أي "شطارة". هذا هو ذوقي!
الرواية المعروفة بتحكي عن شجاعة صياد كوبي عجوز واجه لوحده البحر بعد ما الماساعد الشاب "سانتياغو" أهله منعوه من الإبحار، وبيبدأ العجوز يواجه البحر لوحده.
اللغة هنا متنوعة جدا، سلسة وهتتعلم كلمات كتير جديدة، وكلمات شائعة، وهتلاقي تراكيب مختلفة من القواعد، زي أشباه الجمل والتعابير الاصطلاحية أو "الكنايات"، فلو بتدور على إنك يبقى عندك كلمات جديدة وكتيرة هتلاقي، ولو عايز تبقى أقوى فى القواعد والجرامر هتلاقي برضه، ده كله بالإضافة لكون الرواية ممتعه جدا.
الرواية اللي اتحولت لفيلم بنفس الاسم، بتحكي عن تشارلي صاحب الـ 15 سنة بعد انتحار صديقه "مايكل"، وعشان يقدر "تشارلي" يواجهه حقيقة انتحار صديقه وعشان يقلل من خوفه من دخول الثانوية لوحده، بيبدأ يكتب جوابات لشخص غريب، لكنه لطيف. الرواية بتدور بشكل عام عن ازاي نقدر نكون صداقات جديدة وعن المخدرات والجنس وأحيانا الرعب، القصة مؤثرة وممتعة جدا وتستاهل إنك تقرأها.
لو بتحب المزيكا وبتدور على حاجة تبقى ممتعة وتتعلم منها وأنت مبسوط، تبقى هي الرواية دي. القصة حديثة نوعا ما والكاتب فيها بيستخدم اللغة الدارجة غير الرسمية. بطل الرواية "روب" صاحب محل أسطوانات اسمه Championship Vinyl وبيعيش في شمال لندن، ولسبب غير معروف، حتى لنفسه، بيقول لحبيبته "لورا" إنه خانها وبيقابل ستات تانيين، فبتقرر لورا تنتقم منه.
