الوطن العربي مليان بكنوز سينمائية عظيمة، قدرت وبكل جدارة توصل -ومن مدة مش قصيرة- للأوسكار ومهرجانات عالمية كبيرة. في القايمة دي جمعنالكم 10 أفلام قصيرة ماتتفوتش من بلاد عربية مختلفة تشوفها في أقل من نص ساعة. 

1- السلام عليك يا مريم (فلسطين)

5 راهبات في دير بالضفة الغربية روتينهم اليومي بيتغير لما بتتعرض أسرة من المستوطنين الإسرائيليين لحادثة بأسوار الدير.

شوف الفيلم من هنا

2- حار جاف صيفًا (مصر)

اتنين مايعرفوش بعض اتقابلوا بالصدفة في وسط البلد، ومقابلتهم بتغيّر حياة كل واحد فيهم

الفيلم فاز بجايزة مؤسسة (روبرت بوش ستيفتونج) السينمائية الألمانية للفيلم الروائي القصيرفي 2015، وشارك في مهرجان (برلين السينمائي الدولي) في 2015.

شوف إعلان الفيلم من هنا

وتقدر تشوف الفيلم من هنا

3- عبدالله وليلى (العراق)

أب بيعاني من فقدان الذاكرة التدريجي وبنته بتحاول تتواصل معاه للمرة الأخيرة قبل ما يفقد الذاكرة بشكل نهائي.

شوف إعلان الفيلم من هنا:

الفيلم متاح على OSN

4- سلام (الأردن)

"سلام" ست بتواجه مشاكل مع المجتمع وأهل جوزها بعد ما اكتشفت إصابته بالعقم ورفضه لمواجهته أهله.

شوف إعلان الفيلم من هنا

تقدر تشوف الفيلم على OSN

5- خمس أولاد وعجل (الأردن- فلسطين)

علي سلمان، مدرس بيحاول يكسب ثقة ابنه الصغير اللي اتعرض مشكلة مع الجيران بسبب "عجلة" وبيتحط في اختبار لمبادئه وأخلاقه.

شوف إعلان الفيلم من هنا:

وتقدر تشوف الفيلم على OSN

6- سومياتي بتدخل النار؟ (السعودية)

عاملة منزل أندونيسية بتعيش مع عائلة خليجية وطفلة من الأسرة بتسرد معاناة العاملة والعنصرية اللي بتتعرض لها.

شوف إعلان الفيلم من هنا:

وتقدر تشوف الفيلم على نتفليكس

7- ليس للكرامة جدران (اليمن)

وثائقي عن أعمال العنف والجرائم اللي تم ارتكابها ضد المتظاهرين في جمعة الكرامة في 2011 اللي خرج فيها آلاف اليمنيين بيطالبوا برحيل نظام الرئيس السابق علي عبدالله صالح.

"ليس للكرامة جدران" هو أول فيلم يمني يترشح لجايزة الأوسكار عن فئة الأفلام الوثائقية القصيرة، واترشح لجايزة البافتا للمواهب الجديدة سنة 2012"
وفاز بجايزة أفضل فيلم وثائقي قصير من مهرجان جمعية الأمم المتحدة للأفلام. 

تقدر تشوف الفيلم من هنا:


8- موسيقى هادئة بالأسود (لبنان)

موسيقي بيكافح عشان يعيد بناء بيانو بعد ما دمره إرهابيين في حي دمرته الحرب.

تقدر تشوف الفيلم على OSN, Amazon, Vimeo

9- Submarine (لبنان)

في ظل أزمة النفايات اللي بتهدد لبنان، بترفض بنت انها تمشي وتسيب البلد وبتتمسك ببيتها.

تقدر تشوف الفيلم من هنا

10- بيك آب (البحرين)

بنت صغيرة بتحس بالإحراج من سيارة والدها القديمة اللي بيستناها كل يوم قدام المدرسة، وفي يوم يقرر الأب ياخدها في رحلة صيد عشان يغير وجهة نظرها.

تقدر تشوف الفيلم على OSN