عشان قعدة البيت مملة والفراغ بيخلينا قاعدين مش عارفين نعمل إيه، مجموعة شباب مصريين قرروا يخترعوا ألعاب بسيطة وسهلة تتلعب في البيت مع الأسرة.
جمعنا 7 ألعاب مصرية مختلفة موجودة دلوقتي وتقدر تطلبها أونلاين وتجيلك لحد باب البيت:
1- قول أميم:
حافظ إفيهات؟ ليك في الميمز؟ يبقى أنت اللي هتكسب اللعبة، لإنها بتعتمد على استخدام الميمز والإفيهات من المسلسلات والأفلام.
تقدر تطلب اللعبة من هنا
2- كرنفال:
بتسحب كارت وتمثل الفيلم أو المسرحية أو الشخصية اللي طلعلتك، وفيه تمثيل لأمثال مصرية كمان.
تقدر تطلب اللعبة من هنا
3- الرأي الثالث:
بتسحب كارت وتقرا الكلام اللي عليه، عندك وقت محدود تهاجم أو تدافع، وشطارتك في إقناع اللي حواليك بإجابتك.
اللعبة سعرها 150 جنيه.
وتقدر تطلبها من هنا
4- اشفط كرشك:
بتعتمد على إنك تتجنب إن يظهرلك كارت "كرش" وممكن تواجهها بكروت تانية زي كارت "الصيدلية".
تقدر تطلب اللعبة من هنا
5- الأرض:
مهمتك تدافع عن "الكبير/ كبير العيلة"وتحاول تخليه مايموتش وتحافظ على الأرض بتاعتك، لو الكبير بتاع أرضك مات بتخسر اللعبة.
اللعبة سعرها 150 جنيه
وتقدر تطلبها من هنا
6- ديدي تسأل:
بتلعبها مع صحابك عشان تسألهم الأسئلة اللي مكتوبة على الورق ويتكلموا عن نفسهم.
اللعبة سعرها 340 جنيه
وتقدر تطلبها من هنا
7- Quarantivity:
بيطلعلك في الكارت إنك تمثل فيلم أو مسلسل، أو تقلد شخصية فنان، أو يظهرلك أغنية بتدندن لحنها لاصحابك.
اللعبة سعرها 450 جنيه.
وتقدر تطلبها من هنا