• اكتب معانا
  • ماتنسناش
  • تابعنا
الموضوع اللي جاي
حوار مع سناء السيد عالمة الحفريات اللي اكتشفت الديناصور المصري "منصوراصورس"
الموضوع اللي فات
حوار مع أبطال وفريق عمل الفيلم المصري القصير "هذه ليلتي"

10 أغاني عربي هيرقصوك ديسكو

آي آم فانكي
ديسكو

في أسطورة بتقول إن مزيكا الديسكو مالهاش أصول شرقية وإنك لو عاوز تسمعها لازم تسمع أغاني أجنبي، في الليست دي هنثبت لك بالدليل إن الكلام ده غلط وإن الوطن العربي وشمال إفريقيا رجالة وطول عمرهم رجالة وعملوا أغاني بمزيكا ديسكو ترقَّصك:

1- خميس حنكش - الديسكو

"خميس" طبَّال مصري معروف بـ "عامود الإيقاع"، قبل ما يتوفى كان صاحب محل في شارع محمد علي، متربّي على المزيكا يعني وشارب الصنعة صح. اشتغل فترة في فرقة المصريين مع "هاني شنودة" وفي فرقة طيبة مع "حسين الإمام"، وشارك في مهرجانات عالمية مع اخوه "رضا حنكش" في هولندا وإسبانيا وألمانيا.

اسمع أغنيته "ديسكو" واترحَّم عليه

2- أحمد فكرون - نسيان

"فكرون" مغنّي ليبي اتشهر جدًا في أواخر السبعينات وأول التمانينات، اسطوانته اختيرت اسطوانة "أوعدني" تم إنتاجها سنة 1977 وكانت أول اسطوانة عربية تنتجها شركة عالمية. واختاروها على مستوى أوروبا وجنوب أميركا ضمن مهرجان "الميدم" الموسيقي في مدينة كان الفرنسية.

اسطوانته التانية كانت "نسيان"، وبيسأل فيها: "وين ضاع الحنان والحب اللي كان؟" بس بمزيكا ديسكو

3- مرحبا باند - بابا بحري

باند من تونس، فـ كلمات الأغنية ممكن تبقى صعبة ومش هتفهم منها غير "بابا بحري يا سيدي خلص وحلي أنا قلبي معاك وهايم بيك"، بس عمومًا المزيكا هتنسّيك.

أغنية "بابا بحري" تعتبر من أغاني التراث في تونس لدرجة إن أغلب المطربين هناك بيغنّوها مع "سيدي منصور".

4- Les 4Des - يا تونس

في نص الأغنية هاتحس إن في نشيد وطني دخل في اللحن، كمِّل وستجد ما يسرك

5- حميد الشاعري - عيونها

كلنا عارفين حميد وبنحبه وبنحب أغانيه اللي شبهنا لدرجة إننا بننسى في لحظة إنه مش مصري وإنه ليبي. بس من وسط أغانيه الكتير المصرية، أغنية "عيونها" هي أول أغنية ليه في ألبوم بنفس الإسم عمله في ليبيا مع فرقة المزداوية سنة 1993.

الأغنية مش ألحان "حميد" لكنها توزيعه.

6- فيروز وزياد الرحباني - البوسطة

أيوة زي ما قريت كده، فيروز مع الرحباني عملت أغنية من أحلى أغانيها بمزيكا ديسكو

7- Dalton - عليش

8- شرحبيل أحمد - البمبي

الفنان السوداني "شرحبيل" في أول الأغنية بيقول "الرقص جميل"، وده اللي هاتحسه طول الأغنية.

"شرحبيل" كان مُلقَّب بملك موسيقى الجاز في السودان بسبب مزيكا أغانيه المميزة وعشان بيلعب على آلات مختلفة زي العود والاكورديون وآلات النفخ.

9- إلياس الرحباني - ليزا ليزا

سنة 1978 ووسط ما كان "إلياس" بيلحَّن لـ "فيروز" و"صباح"، قرر يعمل حاجة لمزاجه فـ خرجت من تحت ايده أغنية ليزا

10- أحمد فكرون - Soleil Soleil

 

Home
خروجات النهاردة
Home
Home