• اكتب معانا
  • ماتنسناش
  • تابعنا
الموضوع اللي جاي
7 محافظات هيكونوا المرحلة الأولى لتخريد السيارات اللي مر على تصنيعها 20 سنة
الموضوع اللي فات
مستشفى المنيرة خصصت أول عيادة للمتعافين من كورونا

6 بودكاستس عربي عن التحرش الجنسي تسمعهم على أنغامي

وجهات نظر مختلفة لناس اتفقوا على إن التحرش جريمة
حملة METOO

من المؤسف إن مايكونش لسه في اتفاق عام على تجريم جريمة زي التحرش. لسه الناس بتعتبرها مسؤولية الطرفين وإن الضحية عليها مسؤولية زيها زي الجاني. وساعات بيعتبروها شقاوة شباب ومعلش يا آنسة ما كانش يقصد وبلاش تضيعي مستقبله! 

مع ظهور الموضوع للسطح مرة تانية، كان لازم نسمع أصوات تانية بتتناقش فيه وبتتكلم. بعضهم بيتكلم من مظور علمي وطبي ونفسي، وبعضهم بيحكي على تجارب شافها أو حصلتله. في الليست دي جمعنالكم 6 بودكاستس بتتكلم عن التحرش من وجهات نظر مختلفة، لكن كلهم بيتفقوا في الآخر إنها جريمة.

1- من الآخر: سالمونيلا.. حين تعني لا، لا!

مهما كان في قوانين بتجرم التحرش وبتفرض عقوبات على مرتكب الفعل ده، لكن لسه مجتمعات كتير بتتعامل مع التحرش على إنه ذنب الضحية. هبة قصوعة ونبيل النشار هيفتحوا الموضوع ده بالتفصيل

 
 

2- الموضوع كبير: أسباب التحرش

في حاجة اسمها التراضي. التراضي يعني شخص وشخص راضيين عن حاجة وموافقين هما الاتنين يعملوها، التحرش هو إن شخص من الاتنين دول يكون مش موافق. إيه أسباب انتشار الجريمة دي؟ ده اللي هيتكلم فيه عمر سالم في البودكاست ده

 
 

3- كلام علمي: عقلية المتحرش

الشخص اللي بيقرر إنه يتعدى على حرية شخص تاني ده وياخد منه شعوره بالأمان، بيفكر في إيه؟ هل هو مريض؟ هل ده مجرد إنه بيرضي غريزة أو بيحس بالرضا لما يعمل ده؟ في الحلقة دي عبد الله غازي هيدخل جوه عقلية المتحرش ويحاول يقولك لقى جواه إيه

 
 

4- وجدان: ما هو تأثير 15 سنة من التحرش الجنسي على هيفاء؟

تجربة لبنت اتعرضت لتحرش جنسي بشكل مستمر، من وقت ما كان عمرها 4 سنين ولحد ما وصلت 15 سنة. ازاي ده أثر عليها ووصلها لمحاولة الانتحار وازاي أهلها اتعاملوا مع الموضوع؟ ده اللي هتحكيه هيفاء لينا.

 
 

5- استشارة مع سارة: التحرش الجنسي بالطفل ما بين الصمت والتبليغ

لو أنت أب أو أنتي أم، وعرفت إن طفلك اتعرض لتحرش جنسي، سواء من شخص في العيلة أو حد في المدرسة أو الحضانة.. إلخ. ازاي هتتعاملوا مع الموقف وازاي هتحاولوا تعالجوا طفلكم من الصدمة دي وتفهموه؟


6- حكي صريح مع د.ساندرين: التحرش الجنسي

ساندرين هتستضيف الدكتور إلياس غصوب، المتخصص بالطب النفسي والطب الشرعي، ووردة بو ضاهر الأخصائية النفسية المتخصصة في مجال العنف والاستغلال الجنسي وهيفتحوا الموضوع بدون خوف أو خجل.

Home
خروجات النهاردة
Home
Home