كل سنة بنسمع وبنشوف عن مواهب متميزة بتظهر في مصر، شباب عندهم أفكار جديدة وطموحات كبيرة ورؤية مختلفة للمستقبل، وبتدعمهم منظمات وجهات لكن ماكنش فيه مظلة واحدة بتشمل وترعى كل المواهب في أي مجال أيًا كان، وللسبب ده شباب موهوبين في مجالات كتير مابياخدوش حقهم كفاية في إنهم يوصلوا أفكارهم للنور ويتم احتضان إبداعهم بالشكل الكافي. 

من هنا، مؤسسة "شميدت فيوتشرز" ومؤسسة "رودس تراست"، بدعم من منظمة "أمديست" ياخدوا خطوات فعلية لرعاية المبتكرين والموهوبين وخلق بيئة حاضنة للابتكارات والابداعات، وأعلنوا عن إطلاق "رايز"، برنامج عالمي جديد لاكتشاف الجيل الجديد وتنمية مواهبهم، بهدف رئيسي وهو اكتشاف الشباب المتميزين اللي محتاجين لفرصة ودعم عشان يوجهوا موهبتهم لبناء عالم أفضل.

البرنامج قيمته مليار دولار من جانب إريك وويندي شميدت، وده بيدعم الفكرة اللي اتخلق بسببها برنامج "رايز"، واللي مش بس بيكتشف الموهوبين على مستوى محلي لكن بيدور على المواهب في جميع أنحاء العالم وأعمارهم بتتراوح من سن 15 لـ 17 سنة وقادرين يسخروا كل ابداعاتهم وذكائهم وموهبتهم في مواجهة القضايا الكبيرة اللي بتواجه عالمنا وقادرين يغيروا ويخلقوا أفكار جديدة.

وبيسعى كل من برنامج "رايز" ومنظمة "أمديست" لتحقيق هدف مشترك وهو تمكين الشباب الموهوب وإحداث تغير دائم وبيسلط الضوء على المبتكرين والمبدعين في المرحلة العمرية عشان يكون ليهم دور مؤثر وبارز في المجتمع هينعكس عليهم وعلى رؤيتهم طول حياتهم.

هشام فهمي، العضو في مجلس إدارة "أمديست" والمدير التنفيذي لغرفة التجارة الأمريكية في مصر (امشام مصر) قال في بيان صحفي: "تتشرف منظمة أمديست بإقامة شراكة مع مؤسسة (شميدت فيوتشرز) ومؤسسة (رودس تراست) لتقديم برنامج "رايز" لشباب الشرق الأوسط وشمال أفريقيا". وأضاف: "أظهرت عقود الخبرة في العمل مع الشباب في مصر وفي جميع أنحاء منطقة الشرق الأوسط وشمال أفريقيا الفرق الذي ستحدثه مثل هذه الفرصة في مساعدة الشباب الموهوب في تحقيق إمكاناته لإحداث أثر إيجابي في العالم. ويسعدنا جدًا أن نشارك في هذه المبادرة الجديدة الرائعة".

البرنامج الجديد مش بس بيفكر في دعم المتميزين واحتضانهم، لكن عنده هدف أكبر وأشمل وهو بناء مجتمع عالمي من القادة الصاعدين ويربطهم ببعض أيًا كان موقعهم الجغرافي ويوفرلهم كل الموارد اللي هتساعدهم، بجانب فرص أكتر من خلال شبكة شركاء برنامج "رايز".

"رايز" كمان بيتعاون مع عشرات الشركاء العالميين، بدايةً من المدارس وصولاً للشركات التجارية والحكومات المحلية، بهدف اكتشاف الشباب الموهوب في المجتمعات في جميع أنحاء العالم ودعمهم.

بناءً على ده، هيتم اختيار 100 فائز عالمي كل سنة، وهيتم تقديم الدعم الشخصي ليهم مدى الحياة، شاملة المنح الدراسية والتوجيه والإرشاد والخدمات الوظيفية والتمويل اللازم لتطوير أفكارهم. آخر ميعاد للتقديم يوم 29 يناير 2021

إزاي تقدم في برنامج "رايز"؟

بداية من النهاردة ولحد 29 يناير 2021، أي حد عمره من 15 لـ 17 سنة يتقدم بطلب للانضمام  لبرنامج "رايز" من خلال تطبيق " هلو ورلد – رايز"، وده تطبيق عالمي موجود على على "جوجل بلاي" و"IOS".
وتم تصميم تطبيق "رايز" بهدف اكتشاف المواهب بدلاً من تقييم المتقدمين من خلال الاعتماد على الدرجات أو نتائج الاختبار بس، وبيدور برنامج "رايز" عن المتقدمين الموهوبين اللي عندهم هدف سامي وهو انهم يخلوا العالم مكان أحسن ومحتاجين دفعة عشان يحولوا أحلامهم لحقيقة.

طول عملية التقدم والاختيار اللي بتاخد حوالي 8 شهور هتتوفر للشباب فرصة لإظهار مؤهلاتهم من خلال تسجيل مقطع فيديو قصيربيتكلموا فيه عن نفسهم واهتماماتهم، وتنفيذ مشروع فردي لمدة شهرين عن مواضيع وأفكار متحمسين انهم يعملوها، وعرض شغلهم على تطبيق "هلو ورلد" والتعليق على عمل زمايلهم. وفي ربيع 2021، وفي النهاية هيتم اختيار ما يصل إلى 500 مرشح نهائي للمشاركة في مقابلة أونلاين.

ادخل على اللينك عشان تقدم في برنامج "رايز"
https://gethelloorg.page.link/x5WJ

ولو عايز تعرف معلومات أكتر عن البرنامج شوف موقع رايز:
www.risefortheworld.org