حدوتة بسيطة عن واحدة نزلت تشتري لابنها أيس كريم ومع ذلك بتواجه مشاكل كتير جدًا، مشاكل هتفتح عنيك عن قضايا وأزمات بنعيشها كل يوم في مجتمعاتنا العربية. ده اللي قدر ببراعة يقدمهولنا الفيلم المصري القصير "هذه ليلتي".
اتفرجوا على حوارنا مع أبطال وفريق عمل الفيلم بعد فوزه بالجائزة الذهبية في مهرجان جنيف الدولي للأفلام الشرقية. الفيلم من بطولة ناهد السباعي وشريف الدسوقي والطفل عمرو حساب، وهو ثاني الأعمال الإخراجية ليوسف نعمان اللي شارك في كتابة السيناريو مع إيهاب عبد الوارث.
الفيلم شارك في عدد من المهرجانات منهم مهرجان الجونة السينمائي، وحصل على دعم من اليونسيف والاتحاد الأوروبي واللي قالوا عنه إنه فيلم مليان بالأمل وبيعلمنا قيم مهمة زي التعايش وتقبل الآخرين، وده كان السبب الرئيسي اللي شجعهم على دعم الفيلم
