من سنة ونص قرر 7 شباب بيحبوا المزيكا يعملوا باند ويعبروا عن حبهم ده بشكل مختلف وبطريقة جديدة سواء في المزيكا اللي هيلعبوها أو كلمات أغانيهم والفيديو كليبات بتاعتهم، وطلع "كهارب". 
"كهارب" مشروع موسيقي بيحاول يكون مختلف ومتجدد، ماعندهمش اتجاه فني محدد أو شكل موسيقي معين ماشيين عليه، أوقات بيغنوا شرقي وأوقات مقسوم وبيجربوا أشكال تانية مختلفة. 
قعدنا معاهم وحكولنا إزاي بيحاولوا يعبروا بأغانيهم عن المواطن المصري البسيط اللي بيعيش حياة عادية، وإزاي مواضيعهم بسيطة وقريبة للناس، وادونا أمثلة للأغاني زي "الشيفت الليلي" للناس اللي شغلها وانتمائها لليل، وأغنية "الكنبة" اللي بتحتوي البني آدم.
شوف حوارنا معاهم من هنا: