لو اتفرجت على أعمال زي "أيام السادات"، "الضوء الشارد" و"الليل وآخره"، هتلاقي موسيقى الأعمال دي محفورة جوه دماغك، وقت ما تسمعها هتفتكرها وهتأثر فيك زي أول مرة سمعتها، وده لأن ياسر عبد الرحمن، من الموسيقيين المصريين اللي مرتبطين جدا بطين مصر وأصولها، ومهما كانت طبيعة المزيكا اللي بيألفها سواء لمسلسل أو فيلم أو أغنية –وده قليل- هتلاقي فيها حتة مصرية كده، سواء بنغمة أو نوته أو مقام أو صوت آلة، وزي ما ده بيحصل في المقطوعات الموسيقية بيحصل كمان في الأغاني، فلو كنت ماتعرفش إن "عبد الرحمن" بيلحن أغاني، خليني أفاجئك بـ 7 من أحلى الأغاني اللي لحنها ياسر عبد الرحمن لنجوم كبار.

أغنية ورجعت من السفر- عمرو دياب

ضمن أغاني ألبوم "راجعين" اللي نزل سنة 1995 ، من كلمات مدحت العدل وألحان ياسر عبد الرحمن غنى عمرو دياب واحدة من الأغاني اللي مابتتنسيش له أبدا، واسمحلي أفاجئك أكتر وأقولك إنه لحن ووزع للهضبة كمان "مايتحكيش عليها" في نفس الألبوم من كلمات مجدي النجار.

ورجعت من السفر

مايتحكيش عليها

أغنية حاضر- محمد فؤاد

من كلمات وائل هلال، وغناها محمد فؤاد ضمن ألبوم "مشينا" سنة 1992

أغنية تجيش نعيش- علي الحجار

الأغنية المشهورة لعلي الحجار، من الألبوم اللي نزل بنفس الاسم سنة 1995، أغاني الألبوم كلها من كلمات سيد حجاب وألحان ياسر عبد الرحمن

أغنية شدي الضفاير- حنان ماضي

كتبتها الشاعرة كوثر مصطفى ولحنها "عبد الرحمن" سنة 1996، وبتعتبر واحدة أحلى أغاني حنان ماضي.

أغنية ليه- روبي

من كلمات إبراهيم عبد الفتاح وألحان وتوزيع ياسر عبد الرحمن ونزلت كأغنية ترويجية لفيلم "ليلة البيبي دول" سنة 2008

أغنية هو انتي ليه بعيدة كده – ممدوح بيرم

غناها ممدوح بيرم من كلمات إبراهيم عبد الفتاح، ونزلت كأغنية لفيلم "هي فوضى" سنة 2008

أغنية بين الوهم والحقيقة- رابح صقر                                

"عبد الرحمن" كمان لحن بروحه المصرية أغنية خليجية بلهجة سعودية للفنان رابح صقر، وكانت تتر لمسلسل بنفس الاسم تم عرضه سنة 1997، الأغنية من كلمات الشاعر والممثل السعودي عبد العزيز الحماد وتوزيع ياسر عبد الرحمن.

شوف كمان في عيد ميلاد "ابن البلد".. 7 أغاني لمحمد فؤاد من ألحانه