نيابة مركز الفتح في أسيوط، قبضت على أم ضربت نار على بنتها “مريم”، اللي مكملتش سنة ونص، عشان تلبس التهمة في جيرانها اللي بينهم خلافات قديمة، لما اتقبض عليها قالت في التحقيقات، إنها ماكانتش متعمدة تقتل البنت، كانت عايزة تصيبها بس، النيابة أمرت بحبسها وتحريز السلاح اللي استخدمته.

في التحقيقات سألوا أخت المتهمة، وقالت إنها سمعت صوت الرصاصة وشافت بنت أختها مضروبة طلقة في بطنها طلعت من الناحية التانية. الموضوع اتعرف لما مدير أمن أسيوط جاله بلاغ من مأمور مركز الفتح بوجود سمير.س، مقيم في قرية بني مر، مصاب بجروح واتهم جارته اللي هي والدة الطفلة وأخواتها إنهم السبب في إصابته، بعد ما حصلت خناقة بينهم، الأم المتهمة ردت على بلاغ الجار بإنها ضربت بنتها بالنار علشان تتهم جارها.