• اكتب معانا
  • ماتنسناش
  • تابعنا
الموضوع اللي جاي
اصطدام طيارة مصر للطيران بطيارة إنجليزية في مطار جون كنيدي
الموضوع اللي فات
«اللي حصل في الهيلتون» فيلم بيحاول يبقى مصري «بالعافية»

ملكة جمال مصر: وزني كان ٩٩ كيلو والناس كانت بتوصفني بألفاظ مؤذية

مش ندمانين؟

 فرح صدقي ملكة جمال مصر، اتكلمت مع مجلة "بيبول" وحكت عن قصتها مع زيادة الوزن. فرح كان وزنها ٩٩ كيلو وبتعانى من السمنة المفرطة في فترة المراهقة وكانت بتتعرض لمضايقات والتخويف من زميلاتها ووصفهم ليها بألفاظ مؤذية نفسيًا، الموضوع وسع عن كدة ووصل إن واحدة من البنات في المدرسة ضربتها وبصت على وشها وهي في الأرض وقالتلها “لز اختفيتي ماحدش هيهتم”. فرح وصفت المرحلة دي من حياتها بأنها أيام مش هتنساها.

 

فيما يخص صحتها، قالت إن لما كان عندها ١٥ سنة الدكاترة قالولها إنها هتصاب بمرض السكر خلال ٦ شهور اللي جايين لو ماقررتش تغير نمط حياتها لشكل صحي أكتر، وضافت إن دي كانت أول مرة تشوف والدها فيها حزين، عشان كدة قررت إنها هتبدأ تخس وتتبع نمط صحي أكتر في الأكل.

مع الإرادة وحلم إنها توصل لمستوى جمال يرضيها، فرح خست ٣٦ كيلو وغيرت حياتها واتعلمت ازاي تحب نفسها. فرح بتقول إنها حابة تبقى مثال للبنات يحتذى بيه علشان ده اللي كانت محتجاه وهي في فترة المراهقة. وقالت إنها حابة البنات تفهم إنه مش ذنبهم إن وزنهم زايد، لكن لازم يخوضوا التحدي ويحبوا الحياة عشان ينجحوا.

Home
خروجات النهاردة
Home
Home