Gamers Lounge أخدت موضوع ألعاب الفيديو جيم لمنطقة مختلفة وبقت فعلًا رياضة إلكترونية من سنة 2015 وعملت مسابقات على المستوى المحلي واللي بيكسب في البطولة بيسافر يمثل مصر في بطولات دولية. الموضوع كبير ومهم لدرجة إن في شركات زي redbull و samsung و nvidia دخلت الموضوع وبقت الراعي الرسمي للبطولات.

واضح  أن البطولة الجاية ل Gamers Lounge غير اللي فات، عشان دى هتكون أول بطولة رسمية في مصر لرياضة الألعاب الإلكترونية.

الايفينت هدفه يجمع كل الجيمرز والمهتمين برياضة الألعاب الإلكترونية، سواء بيلعب من "كمبيوتر شخصى-منصة العاب - موبايل -ألعاب الواقع الافتراضي"، وهيبقى فيه أكثر من 20 لعبة مختلفة في نفس اليوم، من أكثر الألعاب شعبية وكمان هيبقى فيه معرض لعرض أحدث الاجهزه المقدمة في مجال الألعاب والمحلات والمتاجر الإلكترونية الكبيرة والأونلاين، وكمان الأشخاص اللي بتعمل حاجات يدوية للجيمز زي الميداليات.

اما بخصوص البطولات، هيكون في تصفيات بطولة العالم لشركة "ريد بول" Red Bull M.E.O by ESL للعبة("كلاش رويال)، بيشارك فيها 900 لاعب والمركز الأول هيمثل مصر في بطولة العالم في ألمانيا قصاد 35 دولة، بالإضافة إلى نهائي كأس الصيف في لعبة (ليج أوف ليجيندز) اللي شارك فيها أكتر من 170 فريق، ده غير أول وأكبر بطولة في الشرق الأوسط في لعبة (فورت نايت) على 100 كمبيوتر هيلعبوا في نفس الوقت.

الايفينت يوم 29-سبتمبر من الساعة 12 للساعة 10مساء وتذكرة الدخول 60 جنيه وبتسمحلك تشترك في أي لعبة. إجمالي الجوائز في الايفينت بقيمة أكتر من 180 ألف جنيه مصري