أصدر الجهاز المركزي للتعبئة العامة والإحصاء دراسة بتشير لتراجع معدل الجواز في مصر السنة الفاتت لأدنى نسبة من 2008، عشان يسجل 9.6% لكل ألف من السُكان، أما معدل الطلاق فـ مستقر عند 2.1% للسنة التانية على التوالي.

ورصد التقرير تسجيل 912 ألف عقد جواز في 2017، بالمقارنة بـ 939 ألف عقد في 2016، وتسجيل 198 ألف حالة طلاق في 2017، بعد ما كانوا 192 ألف في 2016.

وحسب التقرير اللي رصد عقود الجواز والطلاق من سنة 1995، شهدت سنة 2001 أدنى معدل لعقود الجواز، بنسبة 7% بس لكل ألف من السكان عن طريق 458 ألف حالة زواج. وسنة 1992 شهدت أقل حالات طلاق بعدد 62 ألف حالة بنسبة 1.1%

ورصد التقرير نسب الطلاق والزواج في كل محافظة خلال الفترة من 2014 لـ 2017، محافظات القاهرة والإسكندرية وبورسعيد جم في الصدارة في أعلى معدلات للطلاق على مستوى الجمهورية. بنسب تراوحت بين 2,8% لـ 4%، أما شهدت محافظات أسيوط والمنيا أقل معدلات طلاق بنسب ماتجاوزتش 1%.