20 شاب وفتاة من طلاب كلية الهندسة بجامعة طنطا بدأوا مبادرة فردية منهم للتخلص الآمن من النفايات الإلكترونية من خلال مشروع اسمه "ريسيكلوبيكيا".

المشروع بدأ كفكرة سنة 2011 بمعرفة مخاطر المخلفات الإلكترونية وضرورة إيجاد حل ليها. وعليه، رشحتهم الجامعة للمشاركة فى مسابقة "إنجاز مصر" اللي بيشارك فيها كل الجامعات المصرية.

بتقول إيمان الوصيف لموقع "المصري اليوم" إن المشروع حدد مجموعة من الإلكترونيات للتعامل معاها زي الكمبيوتر والموبايلات، فمثلًا الكمبيوتر بيتم تفكيكه وأخذ البوردات الموجودة فيه، وبعدين بيكسروها من خلال آلة كبيرة للطحن بتحولهم لبودرة. يتم بعدها إضافة مواد كيماوية بتفصل المعادن عن بعضها للاستفادة من المعادن الجيدة والتخلص من المعادن الخطرة زي الزئبق والكادميوم. والموبايل فأول خطوة بتتم فيه هي فصل البطاريات وجمعها وتغليفها بشكل معين لإنها من أخطر النفايات القابلة للانفجار.

المشروع بيهدف لزيادة الوعي بمخاطر المخلفات، خصوصًا وسط عدم وجود وعى كافي عند المواطنين بخطورة المخلفات دي.