• اكتب معانا
  • ماتنسناش
  • تابعنا
الموضوع اللي جاي
إطلاق مبادرة "خليك مستعد" لتجهيز دكاترة امتياز وطلبة كليات الطب لمواجهة كورونا
الموضوع اللي فات
مستشفيات جامعة عين شمس خصصت أرقام واتساب للاستشارات المجانية عن بعد

لاب توب Asus UX434 ZENBOOK: ليه هو أحسن جهاز لزوم الشغل من البيت؟

اعرف كل حاجة عن جهازك الجديد وليه هتختاره
لاب توب

اللاب توب مهم، ده موضوع قديم جايز كان فيه نقاش من 10 سنين كده، لكن دلوقتي بقى حقيقة بنسلم بيها. ومؤخرا بسبب الظروف الصحية في العالم كله وانتشار فيروس كورونا، زادت أهمية اللاب توب والإنترنت، والناس كلها بقت بتدور على وسائل تعليم عن بعد وطرق تمشي بيها شغلها أونلاين وحاجة تسليها وقت ما يزهقوا من القاعدة في البيت. كل المعطيات دي بتقول إن اللاب توب بقى دراعك اليمين اللي هتعتمد عليها في كل حاجة، بس هو الكلام ده ينطبق على أي لاب توب؟ الإجابة لأ.

كمستخدم في حاجات معينة بدور عليها في أي لاب توب قبل ما اشتريه. في حاجات كتير لفتت نظري في لاب توب UX434 ZENBOOK، أولهم إن شركة Asus بتقدم ضمان كامل سنتين والضمان كمان بيشمل عيوب الاستخدام. افتكرت ساعتها كام مرة كنت شاري جهاز ومقدرتش أستفيد بالضمان لإن أنا اللي وقعت الجهاز أو خبطته أو دلقت عليه مياه أو نسكافيه بالغلط، ورغم إني مش عاوز أكرر التجربة دي تاني، فهي على الأقل المرة دي لو اتكررت هلاقي ضمان يرضى يصلحلي اللاب توب.

كمان ضمان سوء الاستخدام مهم جدًا في ظروف زي اللي احنا فيها، يعني أنت غالبًا هتشتري اللاب توب ده عشان تشتغل بيه من البيت ويساعدك تمشي شغلك من أي مكان بنفس الكفاءة. وارد جدًا إن يكون عندك في البيت أطفال، وارد أو أكيد، الأطفال دول هيحبوا يمسكوا اللاب الجديد ويلعبوا عليه وممكن يوقعوه عادي يعني مايجراش حاجة، هنا الضمان هيكون مفيد للحوادث الاضطرارية اللي هتتعرضلها بسبب تغيير بيئة الشغل.

إيه الأسباب التانية اللي ممكن تخليني أشتري اللاب توب ده؟ بسبب زيادة أوقات الفراغ، قررت إني عاوز أزود مهاراتي في الجرافيك والمونتاج وعاوز ألعب برضه عشان مازهقش، فكانت أول حاجة ركزت عليها في الجهاز هي: هل هيقدر يشغل برامج وألعاب تقيلة بكفاءة عالية ولا لأ؟ إمكانيات الجهاز بتقول اه، يعني بروسيسور CORE i7 جيل عاشر، وفي نسخة تانية من اللاب ببروسيسور CORE i5 جيل عاشر برضه، وشاشة مقاس 14 بوصة بكواليتي FHD ومتصممة من غير فريم خارجي، معاهم رامات 16 جيجا وبطارية تشتغل لحد 12 ساعة، دي كلها حاجات بتقول إن اللاب توب ده مناسب لشغلي على المدى البعيد.

بالتجربة كمان، قدرت أشغل كل برامج المونتاج والجرافيك عليه، وشغلت نسخ لعبة فيفا، لغاية فيفا 20، وكانت تمام بدون أي لاج أو تقطيع وبكواليتي أولترا، فخلاص كده أنا اشتريت. لو عاوز تعرف أكتر عن إمكانيات اللاب توب، من هنا

نيجي بقى للاختراع، وهو فعلًا اختراع، الـ Screen Pad! اللاب توب ده حول الـ Touch Pad العادية لشاشة تانية بحجم 5.6 إنش، يعني أكبر بشوية من شاشة الموبايل! تقدر تستخدمها كشاشة تشغل عليها صور أو فيديوهات وكمان أبليكيشنز واختصارات مختلفة تسهل شغلك. شخصيًا شايف إن دي طفرة ماتقلش عن ظهور الموبايلات التاتش كده من حوالي 10 سنين، طفرة بدأتها Asus وبتراهن على إن المستخدم اللي هيجربها هيحس بفرق ومش هيقدر يرجع تاني يتعامل مع التاتش باد التقليدية.

فوق كل ده، فكرة إنك يكون معايا لاب توب 14 بوصة ووزنه حوالي كيلو وربع، كانت حاجة مغرية وخليتني أراجع شريط حياتي مع كل الأجهزة التقيلة اللي كنت بشيلها واتنقل بيها من مكان لمكان، لمجرد إني مابحبش اللابات اللي مقاسها صغير، ففي هنا أوبشن إنك معاك لاب توب حجمه مناسب ووزنه خفيف وبشاشتين، يعني معاك أصغر لاب توب في العالم  بالمواصفات دي!

كمستخدم قديم، شكل الجهاز وتصميمه مش عامل جذب رئيسي بالنسبالي، يعني بكون بدور دايمًا على اللي هيخدم شغلي أكتر، بس مانكرش إن لون Asus UX434 ZENBOOK وشكله لفتوا نظري ودخلوا دماغي، اللي هو يا رب يطلع الجهاز ده إمكانياته كويسة عشان شكله عاجبني أوي! لون الجهاز أزرق ملكي وتصميمه بيجمع بين البساطة والأناقة، والهيكل بتاعه معمول بعناية عشان يتحمل الشغل التقيل، وبمزاج عشان يعجب كل الناس باختلاف استخدامهم.

الجهاز متاح في الأسواق للمستخدمين المصريين الشهر ده، وبيتراوح سعره ما بين 20 لـ 24 ألف جنيه وده سعر اقتصادي مقارنة بالإمكانيات الموجودة فيه واللي هتخليك مرتاح في بيتك وقادر تدير شغلك عن بعد أو تتعلم حاجة جديدة أونلاين أو حتى تلعب. لو عاوز تاخد فكرة أكبر عنه ادخل على الويب سايت أو اتفرج على فيديو من يوتيوب: 

 https://bit.ly/2QOrqKz

 https://bit.ly/2WTtDs6

يعمل جهاز ZenBook 14 UX434 بأحدث معالج Intel من الجيل العاشر وبيتميز بـ ASUS ScreenPad 2.0.
Home
خروجات النهاردة
Home
Home