بعد فوز منتخب مصر على الكونغو وصعوده كأس العالم في روسيا، إعلاميات قناة النهار عملوا رابطة مشجعات مصر في روسيا 2018، والمبادرة هدفها تعرف البنات أكتر بالكرة وتخليهم يروحوا يشجعوا المنتخب وهما فاهمين عن الكورة وعن روسيا. 

بيج الرابطة على الفسبوك فيها أكتر من 25 فيديو قصير عن المنتخب وروسيا وكأس العالم أهمهم فيديوهات "ايرينا فالنتينو" المشهورة بـ"إيرا"، وهي بنت روسية متجوزة مصري وعايشة في مصر من 15 سنة، "ايرا" بتعلم المصريات كل حاجة عن روسيا، يتكلموا ازاي؟ يروحوا فين؟ وكل فيديو فيه كلمة بالروسي بتعلم المصريات ازاي يحفظوها.

"إيرا" عندها 36 سنة وبتشتغل عارضة أزياء، وبتقول إنها هتشجع روسيا ومصر عشان بتحب الاتنين لكن ابنها المصري "يوسف" هيشجع مصر بس.