بعد فوز المنتخب المصري على الكونغو وصعوده لكأس العالم، اتحاد الكرة أقر مكافأة نص مليون جنيه لكل لاعب في المنتخب، اليومين دول اللاعيبة رفضوا استلام الفلوس. 

جريدة "الوطن" بتقول إن فيه مصدر جوّه الاتحاد قال إن اللاعيبة رفضوا عشان الفلوس دي لا تتناسب مع حجم الإنجاز اللي عملوه بعد غياب مصر عن كاس العالم 28 سنة، وفيه لاعيبة من ضمنهم حسام غالي وباسم مرسي اعترضوا على توزيع المكافأة حسب نسبة المشاركة، يعني اللاعب اللي لعب ماتشات أقل ياخد فلوس أقل. 

هاني أبو ريدة رئيس إتحاد الكرة بيحاول يحل الموضوع ده ويلغي نسبة المشاركة أو يدي مكافأة إضافية للاعبين عن طريق الرعاة ورجال الأعمال، وفي نفس السياق، "اليوم السابع" كان قال إن اتحاد الكرة هيزود مكافآت المنتخب لمليون جنيه لكل لاعب.