• اكتب معانا
  • ماتنسناش
  • تابعنا
الموضوع اللي جاي
لاعيبة منتخب مصر رفضوا يستلموا مكافأة المونديال
الموضوع اللي فات
روسية بتعلم "مشجعات مصر" ازاي يتكلموا روسي

عمرو واكد بيصور فيلم مصري روسي

هيتصور في مصر وروسيا

عمرو واكد هيبدأ في خلال أيام تصوير الفيلم المصري الروسي "ابتسم أنت في مصر" اللي هيكون من إخراج خالد مهران. الفيلم بيتناول قصة بنت روسية زارت مصر وكتبت قصة عن الرحلة دي.

أحداث الفيلم واقعية عن 4 بنات بدأوا السفر لمصر عشان يستقروا فيها من بداية التسعينيات، وقصتهم اتحولت لرواية للكاتبة الروسية "الينا سربرياكوفا"، ولعمل سينمائي كمان. عمرو واكد بيعلب دور الشاب المصري اللي بيتعرف على بنت روسية. وبيشاركهم فى البطولة المطرب محمد نور وأربع ممثلات روسيات.

"ابتسم أنت فى مصر" من إنتاج شركة بيراميدز لصاحبها محمد الشريف بمشاركة روسية، ومن خلاله بيرجع التعاون المصرى الروسى فى السينما بعد غياب طويل، كان آخر مخرج اتعاون مع الإنتاج الروسي هو الراحل يوسف شاهين في فيلم "الناس والنيل" سنة 1964.

عمرو واكد كان آخر ظهور ليه فى السينما من خلال الفيلم الفلسطيني والتونسي "كتابة على الثلج" للمخرج رشيد مشهرازي، وشارك فى بطولته النجم السوري غسان مسعود والفنانة الفلسطينية عرين عمري واتعرض فى مهرجان أيام قرطاج السينمائية.

Home
خروجات النهاردة
Home
Home