موقع "الوطن" نشر نسخة من قائمة الآثار المصرية المهربة للخارج. القايمة دي معمولة من وزارة الآثار علشان الدولة تحاول ترجع آثارنا المنهوبة.القطع دي زي رأس تمثال الفرعون أمنحتب الثالث، ودي موجودة عند الشرطة البريطانية بعد ما صادرتها من تاجر آثار. كمان بنحاول نرجّع 4 لوحات مسروقين من معبد «بهبيت الحجارة» بمحافظة الغربية، ضمن 10 لوحات تمت سرقتها عام 1990.

التقرير بيقول إن مجموع القطع المتهربة حوالي 575، منها 500 قطعة بس في ألمانيا! في 500 قطعة تم ضبطها في ألمانيا قبل تهريبها، والقضية دي اتعرفت في الوقت ده بقضية "الآثار الكبرى". وهتلاقي كمان 50 قطعة في أمريكا، تم ضبطها مع مواطن أمريكي في كالفورنيا، بيرجعوا للعصر اليوناني والروماني والإسلامي.

من ضمن القطع اللي مصر رافعة قضية علشان ترجعها، قناع "كا نفر"، وده عليه نزاع ما بين وزارة الآثار المصرية ومتحف سانت لويز الأمريكي. أساسًا المتحف عارض القطعة عنده، وأخدوا حكم في أمريكا إنهم مايرجعوش القطعة دي لمصر وإنها من حقهم، عافية كدة!