شعبان عبدالجواد، مدير عام إدارة الآثار المستردة بوزارة الآثار، قال إن مصر هتسترد 91 قطعة أثرية بترجع للعصور المصرية القديمة من إسرائيل خلال الفترة الجاية، وده بعد ما مصر كسبت قضية رفعتها لاستعادة القطع، وحاليًا جاري إنهاء إجراءات الاسترداد للآثار دي.

"عبد الجواد" وضح إن عملية استرداد الآثار صعبة ومعقدة، لأنها مش نزاع بين أشخاص لكن نزلع بين بلدين، لكن في نفس الوقت أكد على حرص الدولة المصرية على استرداد جميع الآثار اللي تم تهريبها بطريقة غير شرعية خلال السنتين اللي فاتوا، منها 586 قطعة في لسنة اللي فاتت بس، اتهربوا من جزيرة جزيرة الفنتين، والقنطرة شرق، وسقارة، ومعبد حتشبسوت.

وحسب "عبد الجواد"، مصر نجحت إنها تسترد 23 قطعة أثرية من قبرص وفرنسا خلال 2018، وسبق ورجّعنا من إسرائيل تابوتين مصريين، وحوالي 440 قطعة أثرية من الإمارات و340 من الأردن، وأكثر من 50 قطعة من المكسيك، وسويسرا، وفرنسا، وإنجلترا، وأمريكا.