متحف ""كهف روميل"" في مطروح، راجع تاني علشان يستقبل الزوار، بعد أعمال ترميم استمرت لمدة 7 سنين. المتحف ده من أيام العصر الروماني، كان بيستخدم كمخزن للغلة، لكن شهرته كلها جات بعد الحرب العالمية التانية، بسبب القائد الألماني روميل، واللي كان بيستخدم الكهف كمقر لعمليات جيش المحور في الحرب. 

الكهف اتحول لمتحف سنة 1997، وبيضم مقتنيات القائد الألماني وبعض الأسلحة اللي استخدمها الجنود الألمان في الحرب العالمية التانية. المتحف كان اتقفل علشان يترمم سنة 2010، لكن بسبب الظروف السياسية الترميم اتأجل كتير، لغاية ما خلص في 2017.