على الرغم من الجو الحر والرطوبة وعدم وجود تكييف، حضر حوالي 300 شخص أول عرض سينمائي في قطاع غزة من 30 سنة، الفيلم اتعرض بعد ما الشركة المنتجة قدرت تاخد تصريح من حركة حماس اللي بتحكم القطاع، وبعد ما نفذت شرط "حماس" بالفصل بين الرجالة والستات.

ورغم إن فيلم "10 سنين" اللي اتعرض ماكانش ترفيهي أو كوميدي، بيقول فلسطينيين من اللي حضروا الفيلم إنهم يتمنوا إن السينما تفضل مفتوحة، لأنها المتنفس ليهم في مواجهة الحصار وضيق المعيشة. الفيلم من إخراج "علاء العلول" وبتدور أحداثه عن قضية الأسرى الفلسطينيين، في إطار إنساني بعيد عن السياسة، ومدته ساعتين ونص.

السينما اللي اتعرض فيها الفيلم كان اسمها "سينما السامر"، واتعرض أول عرض فيها سنة 1944 واتقفلت مع الانتفاضة الأولى سنة 1987.

 المصدر: رويتر