من فترة وفي حملات كتير في السوشيال ميديا بتطالب إن شركة ديزني العالمية ترجع تدبلج النسخ العربي من أفلامها باللهجة المصرية، وده بعد قرار من الشركة باستبدال اللهجة المصرية باللغة العربية الفصحى، وبعد كدة قرروا إن اللهجة المصري تبقى حاضرة في الدبلجة بنسبة 20%. دلوقتي بقى في اتجاه إن ديزني خلاص ترجع للهجة المصري من جديد، وفي انتظار إعلان رسمي قريب.

الفنان المصري محمد هنيدي كان من ضمن أشهر الأصوات اللي اشتغلت مع ديزني في أفلام كتير علمت مع الناس، زي "تيمون وبومبا" و "شركة المرعبين المحدودة"، هنيدي علق من خلال تويتر على خبر عودة ديزني للهجة المصري، وقال إن كدة مستعد يدبلج الجزء التاني من شركة المرعبين، وكمان فيلم "inside out". هنشوف هيحصل إيه خلال الفترة الجاية.