لو زهقان وعايز فيلم يبسطك ويخلص بسرعة مياخدش منك ساعتين ويسحلك معاه، مفيش أحسن من أفلام الكرتون القصيرة؛ تخلص بسرعة وتوصلك الفكرة وتأثر فيك وتفضل فاكرها وقت طويل. اختارنالك من بين أفلام كتير جدا، الـ10 أفلام دول.

• Logorama

تخيل ماكدونالدز وبيتزا هات وكل الماركات اللى تعرفها في حياتك ماشية على رجلين حواليك في الشارع، وبتدخل في مغامرات مختلفة، هى دي حالة الفيلم القصير اللي كسب جايزة مهرجان ""كان"" لأحسن فيلم رسوم متحركة قصير سنة 2009، وجايزة الأوسكار 2010

Logorama from Marc Altshuler on Vimeo.

Presto

ساحر أطفال ومعاه الأرنب والبورنيطة والعصاية، بس المرة دي السحر انقلب على الساحر والأرنب هو اللي لعب بيه علشان الجزرة، الفيلم إنتاج بيكسار، ده سبب كافي علشان تشوفه!

Oktapodi

قصة حب أخطبوط وأخطبوطة بيحاولوا يحافظوا على بعض من الصيد والقتل بصورة كوميدية في 3 دقايق بس، الفيلم اترشح للأوسكار سنة 2008، رغم إنه كان مجرد مشروع تخرج في فرنسا .

This way up

2 حانوتية اتكسرت عربية نقل الموتى بتاعتهم، فكان لازم يشيلوا النعش بنفسهم مسافة طويلة جدا، القصة تبان كئيبة وسودا، بس الحقيقة إنها كوميدية جدًا، الفيلم فاز بأوسكار أحسن فيلم رسوم متحركة قصير سنة 2009.

This Way Up by Smith and Foulkes from Nexus Studios on Vimeo.

The Employment

تخيل إيه إحساسك لو اختفت كل الأشياء وحل مكانها البشر، فبدل ماتركب الأوتوبيس علشان تروح شغلك يشيلك واحد، الفكرة تبان كوميدية بس الفيلم الأرجنتيني  إنتاج 2008 مقدمها بطريقة درامية جدًا ممكن تستدعي دموعك.

PaperMan

ورقة كانت بداية قصة حب، وبالورق كملت الحكاية، الفيلم إنتاج ديزني وفاز بالأوسكار سنة 2013

Luxor Jr.

إحساس الأبوة ممكن يكون موجود حتى بين اللمبات، الفيلم دقيقتن بس، ومع ذلك اترشح للاوسكار سنة 1987

Geri's game

صراعك مع نفسك في لعبة شطرنج بسيطة لمدة دقيقتن، الفيلم فاز بالأوسكار سنة 1998

partly cloudy

أنا جيت منين ياماما؟ من السوبر ماركت ياحبيبي، بس المرة دي من عند السحاب اللي بيعمل أطفال أي كائن على وجه الأرض، الفيلم 5 دقايق مبهجين جدا

Bear story

كسب الفيلم جايزة الأوسكار سنة 2016، وهو بيحكي عن دب بيحكي قصة حياته من خلال تركيب القطع

Медвежья история (Bear story) from wwwvidos on Vimeo.