ماريان خوري، اسم معروف لصناع السينما في مصر والوطن العربي لأنها منتجة وشريكة في شركة مصر العالمية، لكن كمان ماريان خوري مخرجة أخرجت عدد من الأفلام التسجيلية، زي زمن لورا، وعاشقات السينما وظلال اللي خلاها تعيش 8 شهور في مستشفى العباسية للأمراض النفسية، وفيلمها الآخير "احكيلي" اللي كسب جائزة الجمهور في مهرجان القاهرة السينمائي.

في "الدهشورية" الجنينة العائلية اللي اتحولت لمكان لعمل ورش في السينما والفنون واليوجا وغيرها، قابلنا ماريان خوري اللي بدأت قصتها مع صناعة الأفلام من 40 سنة، عشان تحكيلنا عن هووسها وحبها للأرشيف ونظرتها للسينما وللحياة وعن كل فيلم عملته، وإزاي بتشوف إن مفهوم الجمهور عن الأفلام التسجيلية إنها مملة مفهوم غلط، ولازم يتغير وده هيحصل لما الناس تلاقي نفسها في الأفلام الوثائقية وتتعلق بيها وتصدقها.