10 أغسطس 1966.. ده تاريخ ميلاد أسطورتين من أساطير الكرة المصرية، التوأم حسام وإبراهيم حسن. لما تسأل أي حد بيحب الكورة عن أحسن مهاجم في تاريخ مصر أو أحسن مهاجم صندوق اتفرج عليه في حياته، صعب اختياره يخرج عن حسام حسن. ولما تسأل عن باك يمين عصري بيقوم بمهام هجومية ودفاعية على أكمل وجه، يبقى أول حد هتفتكره هو إبراهيم حسن.

التوأم على قد تميزهم في الملعب فهما ليهم جانب تاني مشهور، الجانب العصبي الغيور اللي مستعد يتخانق مع الناس كلها لأسباب مختلفة، يتخانق مع لاعيبته ومع لاعيبة الخصم ومع المدربين ومع الجمهور كمان إن أمكن. في الفيديو ده هنفرجك على أشهر خناقات حسام وإبراهيم.