عامر حسين رئيس لجنة المسابقات في اتحاد الكرة المصري، بيجهز خطابات رسمية هتتبعت لكل أندية الدوري المصري، بخصوص أعداد الجماهير المسموح بحضورها ماتشات الدوري الجديد، واللي هيبدأ بعد بكرة. الخطابات الرسمية دي بتقول إن كل نادي له حق يحدد 15 شخص يكونوا موجودين في المدرجات، وده بعد عدم الحصول على موافقة الأمن على إقامة الماتشات بجمهور.

"حسين" قال إنه لسه منتظر خطاب من الجهات الأمنية عشان يحددوا أعداد الجماهير المسموح ليها تحضر الماتشات. في حالة الخطاب ماجاش يبقى كل نادي له 15 مشجع بس.