الخدمات اللي بنحتاجها يوميًا كتير، وعشان نعرف نختار أنهي مقدم خدمة بناءً على السعر والجودة، ده شئ مش سهل وبياخد وقت طويل للبحث واستشارة غيرنا. غيرك فكَّوا في حل للمشكلة دي وعملوا موقع وأبليكشن "قارنهم" المخصص للمقارنة بين مقدمي الخدمات عشان نوصل لأحسن خيار قدامنا.

حازم عبدالله، مؤسس الموقع بيقولنا إن الشركة هي الأولى من نوعها في مصر، ومخصصة للمقارنة بين الخدمات المالية المقدمة من البنوك على سبيل المثال. "بدل ما تروح 10 فروع أو تتصل بـ 10 خدمة عملاء، الموقع هيعرفك البنوك اللي بتقدم الخدمة اللي انت عايزها وهيقارن لك بينهم".

"حازم" وشريكه مصطفى حسن، أسسوا الموقع في 2015، بيقول "حازم" عنه أكتر "النوع ده من المواقع معروف جدًا بره، وأشهر موقع موجود في إنجلترا باسم Money Supermarket". بيكمل ويقول إن في مصر الموضوع مختلف، فيه مواقع مقارنة للموبايلات مثلًا واللاب توبات، زي Yaoota.com بس لسه المواقع دي موجودة على نطاق ضيق.

موقع "قارنهم" متعاقد مع بنوك وشركات تأمين كتير، وبدأ بشكل جزئي في يوليو 2017 من خلال دعمهم. وفي المستقبل هيبقى فيه أقسام أكتر وخدمات أكتر بيقارنوا بينها.

اعرف أكتر عن الموقع من هنا