يوم 4 ديسمبر اللي جاي، هيكون في مزاد في دار "سوثبي" للمزادات العالمية بلندن، لبيع عدد من القطع الأثرية المصرية والرومانية القديمة. من ضمن القطع الأثرية المعروضة، تمثال بازلت مصري بيرجع لعصر الأسرة 26، في الفترة ما بين 664-525 قبل الميلاد، وتمنه حوالي 15 ألف جنيه استرليني.

المزاد فيه برضه تمثال من الحجر الجيري، بيرجع للأسرة ال18، في فترة حكم أحمس أو أمنحتب الأول، وبيرجع تاريخه ما بين 1539 إلى 1493 قبل الميلاد، وتمنه بيوصل ل6 آلاف جنيه إسترليني.

معروض للبيع في المزاد، جدارية من الحجر الجيرى، بترجع لعهد الملك رمسيس الثانى، فى الفترة ما بين  1279 إلى 1250 قبل الميلاد، وبتصور المنحوتة غروب الشمس وأيضًا رأس الكاهن، وتمنها ما بين 80 لـ 120 ألف جنيه إسترلينى.

بيضم المزاد قناع مومياء خشبي متعدد الألوان، من القرن الخامس والعشرون أو السادس والعشرون، يرجع تاريخه فى الفترة ما بين 750-600 قبل الميلاد، وتمنه بيوصل لـ 35 ألف جنيه إسترلينى.

 تمثال البرونز المصرى للإله أوزوريس، هيتباع في المزاد وممكن يوصل تمنه لـ35 ألف جنيه إسترليني.

الصورمن موقع "اليوم السابع"