مقتنيات جديدة خاصة بالملك فاروق، هتتعرض للبيع في مزاد علني بلندن يوم الأربع الجاي، الموافق 6 يونيو، حسب صحيفة فوربس ميدل إيست. الصحيفة قالت إن المزاد هيتم في مقر بيت المزادات المشهور Sotheby’s وهيبقى فيه 3 قطع من مقتنيات ملك مصر فاروق.

القطع المعروضة عبارة عن "بروش" من الألماس ماركة Van Cleef & Arpels الفرنسي، مصمم على شكل طائر  واقف على غصن مرجان، سعر القطعة هيتراوح بين 1050 و2150 دولارًا. كمان المزاد فيه أزرار أكمام ذهبية ودبوس ذهب مرسوم عليه وش الملك فاروق ودبوس تاني على شكل تاج. الأزرار والدبابيس دي دي هتتباع بمبلغ من 280 دولار ل467 دولار.

المعروضات بتضم مقبض كيس نقود، مرصع بالماس وتمنه ما بين 2937 و 4672 دولار. في مارس اللي فات سبق واتباعت ساعة دهب خاصة بالملك فاروق في مزاد بدبي، وكان تمنها 921.5 ألف دولار.