اتهمت شركة "اديداس" الألمانية لصناعة الملابس والأدوات الرياضية أندية في الدوري المصري إنهم بيلبسوا ملابس مقلدة بتحمل شعار الشركة، وقال محمد السيد المسئول بشركة “رع سبورت” أكبر موزعى توكيل “أديداس” فى مصر إن فيه 12 نادي في بطولة الدوري الممتاز متعاقدة مع الشركة على توريد ملابس للتدريب فعلًا، لكنهم مش متعاقدين على التيشرتات اللي بيلبسها اللاعبين في المباريات الرسمية.

سعيد عبدالله مدير التوزيع بفرع شركة "أديداس" في مصر قال إنهم هيتاخدوا الاجراءات القانونية ضد اللي بيزوروا التيشرتات، وقال لموقع جريدة البورصة إن الأندية على علم إنها بتلبس تيشرتات مقلدة لكن مش معاها فلوس كفاية للتعاقد مع أديداس، وإنه تم إغلاق عدد من المصانع اللي بتعمل تيشرتات مقلدة لكن مع إغلاق مصنع بيظهر غيره. وقال كمان إن مشكلة شركة إديداس مش إن الأندية بتلبس ملابس مقلدة ليهم، لكنها تحمل شعارهم الأصلي. 

النادي المصري رد في تصريحات لموقع جريدة البورصة وقال إنهم محتاجين وقت لإثبات الادعاءات دي.