اللجنة المنظمة لمهرجان الفيلم العربي في برلين، اختارت الفيلم السوداني "ستموت في العشرين" للمخرج أمجد أبو العلا، عشان يتعرض في افتتاح المهرجان. الفيلم إنتاج مشترك بين السودان وفرنسا وألمانيا وقطر والنرويج ومصر ومأخوذ عن قصة الكاتب السوداني حمور زيادة.

المهرجان هيكون في الفترة من 1 لـ 8 ابريل وإلى جانب "ستموت في العشرين" اللي هيتعرض في الافتتاح، المهرجان كمان هيعرض الفيلم المصري الوثائقي "احكيلي"، اللي بيتكلم عن تاريخ أسرة المخرج يوسف شاهين والمخرجة والمنتجة ماريان خوري.

الفيلم السوداني سبق واتعرض في مهرجان فنيسيا وكسب جائزة "أسد المستقبل لأفضل عمل فني أول، واتعرض كمان في مهرجان الجونة السينمائي وكسب جائزة أفضل فيلم في المهرجان.