بعد اختفاء 9 شهور من آخر حفلة ليهم، وتركيز في الألبوم الجديد اللي بيجهزوه، شارموفرز راجعين تاني بحفلة جديدة إن ذا هاوس! 

وعشان مرمطة الأماكن البعيدة الحفلة هتكون في حديقة الحرية يوم 9 نوفمبر عشان يقلبوا منطقة الجزيرة ويغنوا أعظم أغانيهم، الحفلة دي كمان هيشاركهم فيها "ديسكو مصر"، ومن الساعة 3 هتفتح الأبواب ليوم كله مزيكا ورقص. 

بعد الكليب الاخير "زامبا" اللي فاجئنا بيه شارموفرز، وتحت شعار "Movember " شهر عدم الحلاقة دعمًا لسرطان البروستاتا هيكون مهرجان الموسيقى ده، اللي هتدخله وانت مربي شنبك عشان تدعم فكرة المهرجان، ولو معندكش شنب ربي شنب أو أعمل زي محمد نجم وركب دقن وروح الحفلة. 

يوم 9 نوفمبر هو الماتش النهائي لبطولة إفريقيا للأهلي وعشان شارموفرز زينا بيتابعوا الماتش ومستنيينه على نار، فهما اتأكدوا إن الحفلة هتخلص 7 ونص قبل ميعاد الماتش بساعة ونص عشان تلحق ترجع البيت أو تروح القهوة تشوف الماتش، و SWVL كمان هتساعدك توصل بسرعة بإنها تقدملك خصم 10 جنيه جوه القاهرة، و50 جنيه لو انت جاي من الإسكندرية.

التذاكر بـ 120 جنيه بس، ممكن تحجزها أونلاين من هنا أو اتصل بـ 16826، او شوف أقرب مكان لبيعها من هنا، ولو ملحقتش تشتري تذاكر متقلقش عشان هيكون فيه تذاكر على الباب كمان استعد للحفلة وقول لأصحابك.

راديو NRJ وأنغامي هيكونوا موجودين كمان في الحفلة بصفتهم الرعاة الرسميين ليها، و"إنيرجي" هينقلوا الحفلة لايف عشان تسمعها من أي مكان في العالم. "هواواي" كمان من ضمن الرعاة بتوع الحفلة وجايين بتقلهم ومعاهم التليفون الجديد Nova 3، اللي هيصوروا بيه كل حاجة في الحفلة، ولو كان حظك حلو، فاحتمال يكسبوك تليفون هدية.