• اكتب معانا
  • ماتنسناش
  • تابعنا
الموضوع اللي جاي
مصري و زوجته الأيرلندية انتحروا في فيلا بالغردقة
الموضوع اللي فات
بيت هاري بوتر معروض للبيع بمليون استرليني

عمرو دياب لجمهوره عن دينا الشربيني: "ليلتكم سودا هتودونا في داهية"

علشان محدش يزعل عمرو غنى لبرج الميزان

من فترة طلعت إشاعة جواز عمرو دياب من دينا الشربيني، لما نزل الألبوم الجديد "معدي الناس" ربط الجمهور أغنية "أجمل عيون" اللي بتقول "والله بحبك موت وأحب برج الحوت" بالإشاعة دي، علشان دينا الشربيني برج الحوت. 

صفحة مفبركة باسم دينا الشربيني كتبت على فيسبوك "إيه رأيكم في البوم عمرو دياب الجديد؟" والناس علقوا وحفلوا واعتبروا ده دليل أقوى على علاقة عمرو دياب ودينا الشربيني، وفي محاولة لنفي الاشاعة دي، كتب ملحن الأغنية عمرو مصطفى على أكونت فيسبوك، إن الأغنية دي مهداة لمراته علشان هي برج الحوت. 

عمرو دياب دايمًا مابيعلقش على أي إشاعة بتطلع على حياته الخاصة، بس في حفلته الأخيرة في الساحل قال للجمهور وهو بيضحك: "عملتوا أفلام علي برج الحوت، ليلتكوا سودا هتودونا في داهية"، وكمل عمرو وغنى "والله حبك بان وبحب برج الميزان"، وعلق إنه هو بيشتغل والناس بتطلع إشاعات عليه، الجزء ده من الحفلة فيديوهاته اتمسحت من اليوتيوب، بس الجمهور بيتناقل الحكاية.

Home
خروجات النهاردة
Home
Home