تروح حفلة تسمع فرقة واحدة؟ ولا تروح حفلة تسمع فرقتين؟ ولا تروح حفلة تسمع 3؟ ممكن تبقى فاكر إن الحفلة الطويلة هتتعب وطاقتك هتخلص ومش هتعرف تغني وتنطط، بس ده مش هيكون الوضع لو آخر فقرة في الحفلة بيغني فيها شارموفرز، زي ما حصل في Music Box. ولأن شركة اتصالات عندها دماغ تانية في حتة تانية، فهما اللي اتفقوا مع شارموفرز، اللي عندهم قدرة يخلوا أي حد يرقص ويتحرك ويفرفش مهما كانت حالته، وبدأت الشراكة بين شارموفرز واتصالات.

الشراكة اللي اتعملت بين شارموفرز واتصالات، هتخليهم هما الوجه الموسيقي والفني اللي هيودي دماغنا في حتة تانية بالمزيكا، لما عرفنا الموضوع ده، فكرنا ليه شارموفرز بالذات؟ عشان هما بيتريقوا حتى على أحزاننا وبيقولوا كلام ماحدش فاهمه غير كوكب شارموفرز.

الشراكة دي كمان هتخلي فيه فرصة إن الجمهور يكسب تذاكر للحفلات ويدخل الكواليس يقابل الفرقة ويتكلم ويتصور معاهم، وأول مرة ده حصل في حفلة يوم الجمعة اللي فاتت 2 فبراير، اللي كانت في مركز المنارة، ولو أنت معاك خط اتصالات هيبقى ليك فرصة تحجز التذكرة لحفلات شارموفرز قبل أي حد من خلال 7070.

لو أنت من كوكب شارموفرز مش هتتعامل زي أي حد من كوكب الأرض أو من باقي المجرة، وهيكونلك حاجات خاصة بيك، يعني كل يوم فيه صور وبوستات حصرية من شارموفرز وألبومات وأغاني هتسمعها قبل أي حد تاني، وممكن تختار كمان الأغنية اللي تعملها رينج تون.

روحنا الحفلة اللي كانت مولعة بالرقص والتنطيط والغنا، ودخلنا الكواليس وسألنا شارموفرز، ليه عملتوا الشراكة دي مع اتصالات؟ بهاء ومو قالونا إنهم كانوا عايزين يبقى فيه حاجات خاصة للجمهور المخلص للفرقة، صور وفيديوهات وأخبار ماحدش هيعرفها قبلهم، سألناهم ليه Music box مميزة عن باقي الحفلات؟ قالولنا عشان ممكن جمهور تاني مختلف، ميعرفش حاجة عنهم، يسمعهم.