من أكتر المشاهد المثيرة للجدل، مشهد الصحراء وهي متغطية بالتلج بس مش ده المشهد الوحيد فيما يخص الصحاري اللي يستحق نقف قدامه ونركز فيه، علشان كدة جمعنالكم صور غير تقليدية لمناظر طبيعية في الشرق الأوسط، ده طبعًا لو حابين تحسوا إنكم روحتوا كوكب تاني بس لسه على الأرض في نفس الوقت

١- صحراء متغطية بالتلج في عين صفير في الجزائر: احنا متخيلين إن لو في تلج نزل على كوكب المريخ المنظر هيبقي عامل كدة 
الصورة لـ Karim Bouchetata

٢- باداب سورت بإيران: ترسب المعادن الكربونية علي مر السنين ادانا منظر السلالم الطبيعية دي 
الصورة لـ Ali Mehrpour 

٣- كهوف الجارة في الصحراء الغربية بمصر: حجر جيري مترسب ادانا المنظر ده أو زي ما احنا تخيلناها، سنان وحش كبير هيبلعنا كلنا في أي لحظة 

الصورة لـ Hesham Abd Elfatah

٤- مغارة جعيتا في لبنان: لتاني مرة كهوف الحجر الجيري المترسب بتبهرنا، تفتكروا صوروا هاري بوتر وغرفة الأسرار هنا ولا خيالنا وسع شوية؟ 

الصورة لـ Mistyleaf

٥- فلسطين المحتلة - البحر الميت

الصورة لـ IISES 

٦- مدينة القصبة في المغرب 

الصورة لـ Kudouy 

 ٧- بيوت كهفية بشمال كابادوسيا، تركيا: عارفين اللي جه في بالك، دي بيوت حقيقية وكان في ناس زي وزيك كده عايشين فيها هناك، جزء من البيوت اتحولت لفنادق علشان تجذب انتباه السياح والمصورين

الصورة لـ Hot Air Ballooning Cappadocia 

٨- بحيرة ملحية بباموكالي، تركيا: احنا عارفين إنها بحيرة ملحية بس مش عارفين نبطل نتخيل أبطال فيلم Ice Age وهم بيجروا في الصورة 

الصورة لـ All Istanbul Tours 

٩- بيترا، الأردن: عالم كامل من المقابر، المعابد والكهوف المحفورة في الصخر 

الصورة لـ Dave Bouskill

١٠- جزيرة سقطري، اليمن: مش عارفين نحدد النبات ده من أنهي كوكب بالظبط بس واحنا بنشوف الصورة عجبتنا، اليمن طلعت مش قليلة برضه 

الصورة لـ Pickles the Kitten

١١- وادي الحيتان، مصر: الوادي اسم على مسمى علشان فيه بقايا حفريات لحيتان انقرضت! 

الصورة لـ Valentino Primo 

١٢- وادي رام، الأردن: الوادي ده من كتر جماله اتصور فيه أفلام أجنبية زي الTransformes و star wars 

الصورة لـ  Guillaume Baviere.

١٣- فرافرة، الصحراء البيضاء، بمصر

الصورة لـ Valentino Primo