2017 كانت سنة حلوة، أو وحشة، عادي يعني اللي تشوفوه. هي السنة لسه ماخلصتش، جايز تبقى أحلى في الشوية اللي فاضلين، أو أوحش اللي يعجبك يعني. بس في مصريين قدروا يحققوا إنجازات كويسة في 2017، وحتى لو كانت إنجازات فردية، فمجهودهم يستحق الذكر والإشادة، والله الله ع المستقبل باين في عيون كل ولادنا. خد عندك:

 1- الفريق الوطني لكرة القدم للصم كسب الميدالية البرنزية في أوليمبيات ٢٠١٧ 

الفريق الوطني المصري للصم هزم الفريق الإيطالي ٢-١ وكسب الميدالية البرونزية في الأولمبيات بتركيا بعد ما جه في المركز التاي في بطولة الصم لكرة القدم في ٢٠١٢.

2- فيلم الشيخ جاكسون اترشح للأوسكار

الفيلم من إخراج عمرو سلامة وبطولة أحمد الفيشاوي، أمينة خليل، أحمد مالك، ماجد الكدواني ومحمد البيزاوي وبيحكي قصة شيخ ألهمه فنان البوب مايكل جاكسون، الفيلم تم اختياره عشان يمثل مصر في الأوسكار. مش شرط يتقبل على فكرة.

3- فريدة عثمان كسبت أول ميدالية  في تاريخ مصر للسباحة في بطولة العالم المقامة في بودابيست

فريدة عثمان أثبتت إنها تالت أسرع سباحة في العالم بعد ما كسبت أول ميدالية في الNCAA في الولايات المتحدة الأمريكية، فريدة عامت لمدة 50.5 ثانية تم تسجيلها كسابع أسرع مدة سباحة في التاريخ.

4- دراج مصري كسر الرقم القياسي في موسوعة جينيس لأسرع واحد عبر أوروبا بالعجلة

حلمي السيد عمل رحلة استمرت ٢٩ يوم عبر فيها أوروبا بالعجلة، وبكدة يكون كسر الرقم القياسي كأسرع دراج عبر قارة أوروبا.

5- رامي مالك هيلعب دور Freddie Mercury في  السيرة الذاتية “Bohemian Rhapsody”

بعد ما رامي كسب جايزة “Emmy” المعروفة لدوره في مستر روبرت، تم ترشيحه علشان يلعب دور Freddie Mercury في السيرة الذاتية لـ “Bohemian Rhapsody”. المشروع ده هيقوم بانتاجه New Regency, Fox, and Graham King, وهيقوم بكتابته Anthony McCarten وهو نفس اللي كتب سيناريو فيلم "The Theory of Everything”.

6- مصر كسبت أغلب الميدليات في بطولة سلاح شيش لـ٢٠١٧

مصر كسبت أكبر عدد من الميدليات وهم ١٨ ميدالية في البطولة الأفريقية لسلاح الشيش، ٦ منهم كانوا ميداليات دهبية، ودي تعتبر تاني مرة مصر تاخد مركز أول في بطولة سلاح الشيش من ٢٠١٢.

7- الممثل المصري الكندي مينا مسعود تم اختياره علشان يعمل دور علاء الدين

بعد بحث طويل على حد يعمل دور علاء الدين، تم اختيار الممثل المصري الكندي مينا مسعود علشان يلعب الدور مع الممثلة نايومي سكوت في دور الأميرة ياسمين، وويل سميث في دور الجني.

8- مصر كسبت ميداليتين فضيتين وواحدة برونزية في الألعاب العالمية لـ2017

مصارع السومو رامي هلال ومصباح حسام، كسبوا ميداليات فضية في مسابقة السومو العالمية، في نفس الوقت اللي سامح سيدهم  كسب ميدالية برونزية في رياضة البلياردو.

9- Cairo Flat6Labs جمع ١٠٠ مليون ل١٠٠ مشروع صغير لريادة الأعمال

البرنامج كان بيسعى إنه يجمع تمويل ل١٠٠ مشروع صغير لريادة الأعمال، يوصل لحوالي ١٠٠ مليون جنيه، علشان يساعد أصحاب المشاريع إنهم يحققوا أحلامهم المهنية. MIIC و EAEF استثمروا في خطة  FLAt6Labs أقل من 1.2$ بحاجة بسيطة عن طريق مؤسسة التمويل الدولية.

10- مصر هتصعد كاس العالم.. احتمال يعني

بدون مقاطعة، بعد 28 سنة من المرمطة والشحططة والزفلطة، فرصنا في الصعود لكاس العالم أكتر من أي مرة قبل كدة، فأحسنلكم تصعدوا يعني، ميعادنا يوم 8 أكتوبر في برج العرب.