أبليكشن جديد تقدر تقرا من عليه كل الكوميكس اللي بتحبها
أكبر أفلام هوليوود زي باتمان وسبايدر مان وأيرون مان وكل أفلام DC وMarvel كلها مستوحاة من الكتب المصورة "الكوميكس"، اللي اتكتبت ومازالت بتتكتب من أكتر من 80 سنة، الكوميكس كانت المصدر الأول والآمن لكل اللي بيحبوا الخيال العلمي من ساعة ما ابتدى، ومع الوقت الموضوع بقى جزء من ثقافة العالم، لسوء الحظ فالكوميكس في الشرق الأوسط ماكنش ليها نفس المكانة اللي كانت ليها في العالم، لكن واضح إن الموضوع مش هيستمر.
الأبليكشن الجديد "رسومات" صممه اللبنانين البريطانين "اسماعيل وميرا فرحات"، قدروا يجمعوا فيه بين الناشرين واللي بيحبوا الكوميكس في الشرق الأوسط وشمال أفريقيا، هتقدر تتابع كل الكوميكس اللي بتحبها من خلاله.
