في تقرير لموقع The independent، قالوا إن مصر هي الوجهة الجديدة لكل محبي الأكل، خاصة الأكل الـ Sexy. شيء يدعو للفخر الحقيقة، ما علينا إنهم مسمّين الحواوشي "برجر مصري" والمكرونة بالبشاميل "باستا".. بس التحية وصلت.

"ليلى حسب الله" صاحبة أول شركة بتهتم بسياحة الطعام، أيوة زي ما قريت كده، بتقول للسياح "تعالى مصر ودلَّع كرشك". المميز في كلام "ليلى" إنها ذكرت مطاعم بسيطة وسعر الأكل فيها متوسط زي "فسحة سمية" و"مكرونة رضا" وقهوة "وردة اليمن"، وعلى الناحية التانية ذكرت مطعم Zooba.

"مروان طه" صاحب Cairo Spots، بيقول إن من 2011 فتح أكتر من 6000 مطعم في مختلف أنحاء الجمهورية، ومع تزايد التقييمات على مواقع التواصل الاجتماعي الناس مابقتش تاكل وبس، وبقوا يركزوا في الطعم والخلطة ويستعينوا برأي بعض.

عشان تقروا الموضوع كامل ادخلوا هنا.