صحيفة "عكاظ" السعودية عملت تقرير عن مخيمات الحج ال5 نجوم، واللي كانت منهم خيمة مصرية. الموضوع مش جديد، الحج ال5 نجوم معروف من زمان، وبيكون عبارة عن مخيمات أو أماكن خاصة بيقعد فيها الحجاج، والأكل والخدمة بيكونوا مختلفين تمامًا. الخيم دي بتكون مخصصة لرجال الأعمال والسياسيين ونجوم المجتمع، اللي مش بيختلطوا بعامة الحجاج، وبيبعدوا عن زحمتهم في أماكن خاصة ليهم.

الصحيفة في تقريرها استشهدت بخيمة من خيم الحجاج، الخيمة دي مصرية، والخدمة فيها بتوصل للمساج وبوفيه مفتوح، وتكلفة الليلة فيها بمليون و 600 ألف جنيه مصري، أو 400 ألف ريال سعودي. والخيمة فيها طباخين من كل الجنسيات علشان يطبخوا أكلات من كل الدول. 

 الصور من موقع المصري اليوم