المصريين بيحبوا الأكل، هو كل الناس بصراحة مش بس المصريين يعني. المطبخ المصري مشهور عنه أكلات كتير، بس هتتفاجئ لما تعرف إن ال11 طبق الجايين دول مش مشهورين عن المطبخ المصري، لأنها أصلا أكلات مش مصرية.

1- الملوخية

مافيش مصري مايعرفش الملوخية ومابيحبهاش، ولو مايعرفهاش يبقى مش مصري، بس تفتكر في كام مصري يعرفوا إن الملوخية أصلها تونسي؟

2- محشي

لو فاكر إن ماما بتعملك أحلى محشي في الدنيا، فعلى الأغلب ماتعرفش إن الأكلة دي أصلها تركي، ما عدا ورق العنب طبعًا. بس مافيش داعي إنك تزعل أو تفكر كتير، خليك واثق إن ماما لسه بتعملك أحلى محشي في الدنيا

3- بقلاوة

رمضان وحلاويات رمضان، وبتبقى حلوة في غير رمضان برضه، بس هي طلعت تركي برضه

4- الكِشك

هو احنا مش عارفين إيه البتاع ده بالظبط، بس هو أفغاني، من أفغانستان يعني

5- زلابيا

شايف كل عربيات الزلابية اللي أنت بتمشي تجربها من الشارع دي؟ دول مش مصريين، دول هنود، الزلابيا هندي

6- الشاورما

خليك فاكر إن الأتراك كانوا سبب في كل مرة بوظت فيها الدايت علشان نفسك راحت على ساندويتش شاورما

7- كنافة

الكنافة شامي ودي معروفة، بس بالنسبة للكنافة بالمانجة والريد فيلفيت، دول إيه؟

8- بابا غنوج

الشوام برضه هما اللي عملولنا البابا غنوج، فياريت كل مرة تاكل فيها بابا غنوج تفتكر إن العروبة حلوة وجابتلنا حاجات حلوة، والحدود تراب والنضال واحد

9- فريسكا

ودي كمان جنسيتها هتطلع إيه؟ شامي طبعًا! فريسكاااا

10- فتة

الفتة هي كمان شامي، بس الشوام لما عملوها كانت أكلة للفطار، بس واضح إن المصريين حطوا التاتش بتاعهم

11- الكشري

ده بقى صدمة العمر، الكشري اللي هو الأكلة الوطنية المصرية، وأكتر حاجة المصريين بياكلوها ليل نهار، تطلع هندي في الآخر!