وقعت دار "الشروق" اتفاقية مع مؤسسة "اقرألي" للكتب المسموعة، عشان يحولوا أكتر من 200 كتاب في مجالات مختلفة، الكتب هتتقري من خلال مجموعة من المذيعين الشباب وباستخدام المؤثرات الصوتية اللي بتدي النص المكتوب حالة من الحياة والحيوية والمتعة.

أحمد المالكي، المدير التنفيذي لمؤسسة "اقرألي"، قال للشروق: "بدأت رحلتنا مع الكتاب الصوتي من 5 سنين، والفكرة قائمة على تحويل الكتاب من الحالة الورقية لملف صوتي، يخلي المستخدم يسمع الكتاب كامل على الموبايل، وهدفنا الأساسي تقديم محتوى ثقافي ثري يخلي اللي بيقرا يقدر يسمع الكتاب وهو في المواصلات أو بيلعب رياضة".

وكمِّل "المالكي" نصًا: "جاء تعاوننا مع (دار الشروق) من منطلق سؤال ظل يشغلنا طوال السنوات الخمس الماضية وهو: ما المحتوى الثرى الذى نستطيع تقديمه، وما هي دار النشر التي تحقق طموحنا في تقديم الثقافة بالشكل الذى نتمناه للقارئ العربي؟"

 دار الشروق كمان قالت انها بتسعى انها توصل لكل الناس اللي وعشان كده عايزة تسجل كل كتبها، وتحافظ على الحقوق "الصوتية" زي ما بتحافظ على الحقوق المكتوبة.