تامر حسني اتحطت صورته كأول نجم مصري على غلاف مجلة Vogue Man Arabia العالمية المتخصصة في الموضة والأزياء، وبكده يبقى اتضاف لقايمة النجوم اللي احتلوا غلاف المجلة في نسختها الأجنبية زي مايكل جاكسون وآل باتشينو ومارلين منورو وبراد بيت.

المجلة اتعاقدت مع تامر عشان يتصدر غلافها -بصورة متصورها في قصر محمد علي بعدسة "مازن أبو سرور"- وأطلقت شعار للغلاف باسم "the Arab fashion icon". وأكدت إدارة المجلة إنه فنان استثنائى بيطوَّر نفسه دايمًا، وعنده وجهة نظر خاصة بيه مخلّياه رائد فى مجاله الفنى، والأول فى الموضة اللي بيقلدها شباب العالم العربى. تامر كمان حصل على أكبر إنجاز فنى فى تاريخ العرب لمَّا اتكرم بالبصمة الأسمنتية في هوليود كأول فنان عربى فى التاريخ وسط ٢٥٠ فنان بس.

ومن ناحيته، هنأ “تامر حسني” المجلة من كان يوم بإنطلاق عددها الأول وعبَّر عن سعادته باختياره لغلاف أول عدد ليها.