لحد دلوقتي لسه مصر كلها بتحتفل بالوصول لكأس العالم بعد غياب 28 سنة، بمجرد ما كورة محمد صلاح لمست الشبكة، ومصر كلها قامت بفرح هيستيري ترقص وتجري في الشوارع، في الملعب كاميرا "عزت السمري" لقطت صورة ل "محمود" محامي حر وشغال في محل ملابس، ومن ذوي الاحتياجات الخاصة، ساب الكرسي المتحرك ورفع نفسه على العكازين وطار برجله السليمة في الهوا، الصورة مش بس لفت مصر، لفت كمان العالم العربي، ووصلت للفيفا، اللي حطوها النهاردة على الموقع الرسمي كتجسيد إن كرة القدم أداة للأمل والإرادة، السعودي "منذر آل الشيخ" قرر يحتفل هو كمان بطريقته وعرض على الولد صاحب الصورة، امكانية تركيب طرف صناعي، وتحمله كل تكاليف السفر لروسيا والإقامة هناك، كهدية وتضامن من الشعب السعودي مع أخوه المصري.

السعودي فيصل برضه نشر صورة للشاب "حسني" اللي التليفزيون جاب صورته بيعيط بعد جون الكونغو في مصر، وطالب المصريين إنهم يوصلوا للشخص ده ان تذكرة طيرانه لروسيا عشان يشجع المنتخب على حسابه، الصورة أثرت فينا كلنا على التليفزيون قبل ما حد يقدر يلقطها وينشرها على السوشيال ميديا خصوصا في وقت الفرحة العظيمة بالمنتخب في شوارع الوطن العربي، مش بس السعودي، مصر الخير كمان لما عرفوا انه بيبيع سبح اتبرعوله بورشة عشان يقدر يطور شغله، وقناة DMC استضافته