سميرة أحمد الممثلة المصرية كانت طول عمرها بتحب تحتفظ بهدوم شغلها، في كل عمل مثلته تشيل الفساتين والجلاليب وكل حاجة لبستها فيه وتحتفظ بيها علشان تبقى للتاريخ، لكن بحسب كلامها في برنامج العاشرة مساء هي قررت تتبرع بكل ده وتبيعه في مزاد علني علشان تتبرع بالفلوس لصندوق تحيا مصر.

سميرة أحمد قالت إن الملابس من أول فيلم البنات والصيف اللي اتعمل سنة 1960 وفيلم الخرساء. المزاد هيكون في نادي الجزيرة. سميرة أحمد هتعمل مسلسل جديد كمان بعد غياب سنين طويلة اسمه "بالحب هنعدي" تأليف يوسف معاطي وإخراج رباب حسين.