مهرجان كازان الدولي للسينما الإسلامية في روسيا من 5 ل 11 سبتمبر الجاي، هيبدأ بعرض فيلم مولانا في الافتتاح، ويشارك فيلم "يوم للستات" في مسابقة الأفلام الروائية الطويلة. 

السينما "الإسلامية" المقصود بيها مش الأفلام الدينية، لكن تعبير عن التنوع الثقافي حسب شعار المهرجان "ثقافة الحوار أقوى من حوار الثقافات"، وعلى هامش المهرجان فيه برنامج تحت عنوان "روسيا والعالم الإسلامي" هيشارك فيه 20 دولة منها مصر والجزائر وأفغانستان وبنجلاديش والعراق وقطر والإمارات وبلاد تاني عربية وإسلامية هتعرض أفلامها.

المهرجان بيتنظم كل سنة من سنة 2005، وبيتعرض فيه أفلام عن التسامح والسلام، والسنة اللى فاتت اتعرض حوالي 450 فيلم في المهرجان.