أصدرت وزارة الأثار قائمة أسعار جديدة لتذاكر المواقع الأثرية فيها تعديلات كتير، كان من أهمها سعر مقبرة "نفرتاري" اللي انخفض من 1000 جنيه لـ 600 جنيه، بعد ما كانت في بداية افتتاحها 20 ألف جنيه، وكان السعر القديم عمل مشكلة على الفيسبوك، بعد ما الكاتب عمر طاهر عمل بوست بيحكي فيه قصة تذكرة المقبرة.

ومقبرة "سيتي الأول" كمان، اتخفض سعرها من 1000 جنيه لـ 500 جنيه، وأسعار تذاكر وادي الملوك 200 جنيه للأجانب و 20 جنيه للمصريين، أما مقبرة "توت عنخ آمون" بقت 250 جنيه للأجانب و 40 جنيه للمصريين. الأسعار الجديدة في الأقصر وشارع المعز وأماكن أثرية تانية، بدأت بداية من شهر أبريل 2018. 

Main Photo: Mohamed El-Dakhakhny/AP 1995