مقبرة نفرتاري اللي اتبنت من حوالي 3250 سنة موجودة في وادي الملكات بالأقصر بتتفتح لعدد محدود من الزوار بسبب إن نسبة الرطوبة لما بتزيد بزيادة عدد الزوار بتضر بالمقبرة، والتذكرة بتبقى حوالي ألف جنيه لكل فرد.

وعشان أكبر عدد يتفرج على المقبرة وكنوزها اشتغل زاهي حواس مع فريق باحثين انهم يعملوا مسح ضوئي ثلاثي الأبعاد لكل حاجة في المقبرة وياخدوا صور عالية الجودة مع شركة ExperiusVR عشان يتم عرضها بتقنية الـ VR من خلال موقع الشركة على الإنترنت.

فريق الشركة فضل شهرين بيحول الصور لتجربة الواقع الإفتراضي، عشان يقدر المشاهد يشوف كل حاجة كأنه جوه المقبرة لدرجة انه يقدر يلمس اللوحات.

ممكن تشوف المقبرة بتفاصيلها من اللينك ده.