قالت مصادر بوزارة النقل لجريدة "الشروق" إن الهيئة القومية للأنفاق قررت تشغيل المرحلة الرابعة من الخط التالت للمترو، واللي هتكون من محطة "هارون" وحتى محطة "النزهة" في شهر سبتمبر الجاي لمدة 3 شهور تجريبية، وهيتم افتتاحه في شهر ديسمبر بشكل رسمي. 

المرحلة الجديدة مش هيكون فيها قطارات إضافية لأن نفس القطارات هيمتد تشغيلها بس، والمحطات هتكون "هارون، هليوبوليس، ألف مسكن، نادي الشمس، النزهة" بتكلفة حوالي 4 مليار جنيه. تشغيل المرحلة الجديدة هيكون بعد تطبيق نظام حساب سعر التذكرة حسب عدد المحطات، وربط ماكينات التذاكر في كل الخطوط ببعض، وبعدها بسنة في ديسمبر 2019 هيتم افتتاح باقي الخط التالت واللي هيمتد لحد موقف العاشر.