أعلن المهندس علي الفضالي رئيس إدارة شركة مترو الأنفاق والعضو المنتدب للدعم الفني، إنه بيتواصل مع متحف الفن الإسلامي عشان يقدم مستنسخات ونماذج أثرية تتحط بالمحطات، وإنه كمان هيتواصل مع كل المتاحف المصرية، ومع دار الكتب عشان يعملوا معارض داخل محطات المترو بأسعار مخفضة.

وقال الفضالي إنه بيهدف إنه يرفع الحس الجمالي للجمهور اللي بيركب المترو واللي بيوصل عددهم لـ3 مليون راكب كل يوم، وقال إنه دعا طلبة الكليات الفنية عشان يرسموا ويعملوا جداريات في المحطات المختلفة، وإنهم هيبدأوا بمحطة مارجرجس وبعد شهر رمضان هيبقى فيه خطة لتجميل كل المحطات.